sru:version: 1.2; sru:query: fcs.rf="mecmua.1_113"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.1_113"; sru:baseUrl: ; fcs:returnedRecords: 1; fcs:duration: PT0.025S PT0.03S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.1_113</phrase></query>)];

remel: fāʿilātün ‑ fāʿilātün ‑ fāʿilātün ‑ fāʿilün

Rūz u şeb dergāh‑i ḥaqdan bu‑durur şāhā murād
Eşigine yüz sürenler olmasunlar nā‑murād

Görseler bendeñ olurlardı şehā eṭvāruñı
Ḫusrevā İskender ü Cemşīd ü Dārā Keyqubād

Bir quluña qahr‑ile maġlūb‑dur[ur] şāh‑i ʿAcem
Şöyle buldı devlet ü ʿizzüñ cihānda izdiyād

Hem‑demüñ ʿavn‑i ḫudādur reh‑berüñ quṭb‑i zemān
Hem bu minvāl üzre dāyim ol ilā yevmi l‑miʿād

Der‑ḥaqq‑i mīr‑i mīrān‑i maqtūl

hezec: mefāʿīlün ‑ mefāʿīlün ‑ mefāʿīlün ‑ mefāʿīlün

1 Cülūs ėdüb seʿādet taḫtına dīvān ėden sensin
Bize qullarına öldürmege fermān ėden sensin
Muḥibbüm zār ėdüb düşmenlerüm şādān ėden sensin
ʿAdūlar içre qaddüm ḫam ėdüb cevgān ėden sensin
Kesüb başum feżā‑yi ʿışqda ġalṭān ėden sensin
Döküb qanum yėre ṭopraġ‑ile ġalṭān ėden sensin
Türāb‑ālūd cismüm ḥāk[!]‑ile pinhān ėden sensin
Şehā cellād‑i ġamzeñle beni qurbān ėden sensin
Vücūdum gencini ifnā ėdüb virān ėden sensin

2 Benümle ėtmiş idüñ rūz‑i evvel ʿahd ü peymānı
Ėdüb ʿahde vefā eylemedüñ inʿām u iḥsānı
Kemāl‑i iltifātuñdur döke bu dem yėre qanı
Sipāhī qullaruñda gerçi şāhum ėtdi ṭaʿānı
Ne çāre bu imiş rūz‑i ezel taqdīr‑i rebbānī
Bi‑ḥamdi llāh qapuñda cān[ı] vėrmek oldı erzānī
Senüñ fermānuñ oldı baña ölmek ey kerem kānı
Şehā cellād‑i ġamzeñle beni qurbān ėden sensin
Vücūdum gencini ifnā ėdüb virān ėden sensin

3 Fedā olsun şehā şimşīr‑i ʿadlüñ uġrına cānum
Az iḥsānuñ‑mı gördüm ben quluñ devletlü sulṭānum
Sen ėtdüñ pādişāhum gerçi‑kim tedbīre dermānum
Velīkin emr‑i ḥaqqı‑yile yola geldi noqṣānum
Muḥaṣṣal emrüñ olmayınca kimse dökmedi qanum
Şehā cellād‑i ġamzeñle beni qurbān ėden sensin
Vücūdum gencini ifnā ėdüb virān ėden sensin